Навоийда қурилиш олиб борилаётган майдонда кўтарма кран қулаб тушди, дея хабар қилмоқда Навоий вилояти ҳокимлиги.
Маълум қилинишича, 26 январь куни соат 16:00 ларда «Ёшлик» маҳалласида «Шоҳжаҳон шамшири» МЧЖ томонидан кўп қаватли уйлар қурилишида жалб этилган кран қулаб тушган.
Дастлабки маълумотларга кўра, кран бошқарувчиси енгил тан жароҳати олиб, шифохонага ётқизилган.
Ҳолат бўйича қўшимча маълумотлар берилиши маълум қилинди.
Аввалроқ Жиззахда янги қурилаётган кўп қаватли уйнинг бир қисми қулаб тушгани, Деҳқонободдаги қурилишда бетон плита қулаб тушиши оқибатида 39 ёшли фуқаро вафот этгани ҳамда Жиззахдаги қурилишда ишлайдиган 23 ёшли йигит ўзини кранга осиб қўйгани ҳақида хабар берилганди.
Изоҳ (0)