Бокс бўйича супер ўрта вазн тоифасида WBC ва WBA чемпионлик камарлари соҳиби Сауль «Канело» Альварес (54-1-2, 36 КО) навбатдаги жангини Авни Йилдиримга (21-2-0, 12 КО) қарши ўтказади. Бу ҳақда DAZN расман маълум қилди.
Жанг 27 февраль куни бўлиб ўтади. Унда Канело чемпионлик камарларини ҳимоя қилади.
Аввалроқ The Athletic журналисти Майк Коппинжер жанг 27 февраль куни Майамидаги (АҚШ) Hard Rock стадионида бўлиб ўтишини хабар қилганди.
Мексикалик боксчи 20 декабрда супер ўрта вазнда WBA чемпиони Каллум Смитни (27-1, 19 КО) мағлубиятга учратиб, ундан камарни тортиб олганди. Кейинчалик Канело ўрта вазннинг WBA камаридан воз кечди.
29 ёшли туркиялик боксчи сўнгги жангини 2019 йилнинг февралида Энтони Дирреллга қарши ўтказган. WBC’нинг вакант камари учун кечган жангда Йилдирим мағлубиятга учраганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)