АҚШ президенти Жо Байден разведка бирлашмасига россиялик мухолифатчи Алексей Навальнийнинг заҳарланиши бўйича вазиятни ўрганиш ва 2020 йилда Америкадаги қатор идораларга амалга оширилган киберҳужумга «рус хакерларининг» алоқасини текшириш бўйича топшириқ берди. Бу ҳақда Оқ уй матбуот котиби Жен Псакига таяниб, «РБК» хабар қилди.
«Президент Байден разведка бирлашмасига мухолифат етакчиси Алексей Навальнийга қарши кимёвий қуролдан фойдаланилгани бўйича тўлиқ таҳлил ўтказиш топшириғини берди», — дейди Псаки.
Унинг сўзларига кўра, мамлакат раҳбари, шунингдек, 2020 йилда АҚШ федерал идораларига амалга оширилган кенг кўламли киберҳужумга Москванинг эҳтимолий алоқасини текшириш бўйича ҳам кўрсатма берган.
Бундан ташқари, миллий разведка Россия махсус хизматлари Афғонистондаги америкалик ҳарбийларни ўлдириш учун «Толибон» ҳаракати аъзоларига пул бергани тўғрисидаги хабарларни ҳам текширади.
The Washington Post’нинг ёзишича, разведканинг бу борадаги ҳисоботи «келгуси ҳафта Россиянинг тажовузларига қарши бериладиган жавобга асос» бўлиб хизмат қилади.
Мавзуга доир: Байден Трампнинг иқлим бўйича Париж битими ва ЖССТдан чиқиш тўғрисидаги қарорларини бекор қилди
Изоҳ (0)