Футбол бўйича Испания Кубогининг 1/16-финалида «Барселона» 21 январь, пайшанба куни «Корнеля»ни қабул қилди.
Учрашувнинг асосий вақтида ҳисоб очилмади ва қўшимча бўлимларга мурожаат қилинди. 92-дақиқада Усмон Дембеле каталонларни олдинга олиб чиққан бўлса, сўнгги дақиқаларда Мартин Брэйтуэйт жамоасининг иккинчи голини урди.
Шу тариқа «Барселона» учинчи дивизион жамоасини мағлуб этган ҳолда 1/8 финалга йўл олди. Бундан аввалги босқичда «Корнеля» Мадриднинг «Атлетико»сини мусобақадан чиқариб юборганди.
Яна бир баҳсда Бильбаонинг «Атлетик» клуби «Ибица» майдонида меҳмон бўлди ва сўнгги дақиқаларда урилган гол ҳисобига кейинги босқичга чиқди.
Мавзуга доир: «Реал» 3-дивизион жамоасига мағлуб бўлиб, Испания Кубогини тарк этди
Испания Кубоги
1/16 финал баҳси
21 январь, пайшанба
«Корнеля» — «Барселона» 0:2
Голлар: 0:1 – 92 Дембеле, 0:2 – 120 Брэйтуэйт.«Корнеля»: Хуан, Маркет (Чики, 68), Эстелес, Морено, Онтиверос (Кармона, 68), Медина, Дорка, Мартин, Гусман, Преса (Санмарти, 84), Гила (Пля, 97).
«Барселона»: Нето, Мингеса, Фирпо, Араухо, Лангле, Пуч (Дембеле, 46), Пьянич, Курума (Бускетс, 74), Тринкау (Педри, 74), Гризманн (де ла Фуэнте, 101), Брэйтуэйт.
Огоҳлантиришлар: Пуч (7), Эстелес (38), Преса (57), Медина (96), Пьянич (106).
Четлатиш: Эстелес (118).
«Ибица» — «Атлетик» 1:2
Голлар: 1:0 – 12 Хави Перес, 1:1 – 52 Рауль Гарсия, 1:2 – 90 Нуньес.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)