Ўзбекистонда ўртача пенсия миқдори ўтган 4 йил ичида 1,93 бараварга оширилган. Бу ҳақда Молия вазирлиги ҳузуридаги Пенсия жамғармаси «Дарё»га маълум қилди.
Маълум қилинишича, Пенсия жамғармаси тизимида ҳисобга олинган пенсия олувчиларнинг 2016 йил 1 январь ҳолатига кўра республика бўйича бир ойлик ўртача пенсия миқдори 421 629 сўм бўлган бўлса, 2021 йил 1 январь ҳолати бўйича 812 568 сўмга етган ёки ўтган даврда Ўзбекистон Президентининг фармонларига асосан пенсиялар миқдори 1,93 бараварга оширилган.
Шундан, 2021 йил 1 январь ҳолатига кўра бир ойлик ўртача пенсия миқдори:
- Тошкент шаҳрида — 1 130 804 сўм;
- Навоий вилоятида — 1 056 126 сўм;
- Тошкент вилоятда — 897 625 сўм;
- Бухоро вилоятида — 832 638 сўм;
- Сирдарё вилоятида — 824 130 сўм;
- Қорақалпоғистон Республикасида — 807 356 сўм;
- Самарқанд вилоятида — 790 325 сўм;
- Хоразм вилоятида — 761 782 сўм;
- Қашқадарё вилоятида — 758 730 сўм;
- Сурхондарё вилоятида — 737 790 сўм;
- Фарғона вилоятида — 730 112 сўм;
- Жиззах вилоятида — 727 737 сўм;
- Наманган вилоятида — 691 427 сўм;
- Андижон вилоятида — 690 522 сўмни ташкил қилган.
Изоҳ (0)