«2021 йил — Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури лойиҳаси жамоатчилик муҳокамаси учун эълон қилинди.
Лойиҳага кўра, Олий ва ўрта махсус таълим вазирлиги Молия вазирлиги ва Давлат тест маркази билан биргаликда 2021 йил 1 июнга қадар Ўзбекистон Президенти грантини ажратиш тартибини ишлаб чиқиши белгиланган.
Ушбу мақсадда ОТМларга кириш имтиҳонларида балл тўплаган шахслар тўғрисидаги очиқ маълумотларни назарда тутувчи ягона электрон реестрни шакллантирилади.
Президент грантини ютган талабага ўқишни битиргунига қадар амалдаги Президент стипендияси миқдорига тенг бўлган Президент гранти стипендиясини тўланади. Лекин ўқув семестри якуни бўйича барча фанлардан ўзлаштириш кўрсаткичи «аъло» баҳо бўлиб, битта фандан ўзлаштириш кўрсаткичи «аъло» баҳо бўлмаганда, ушбу тоифадаги талабаларга келгуси семестрлар мобайнида Президент гранти стипендияси берилмайди.
Бундан ташқари, магистратура ва докторантурада ўқиётган иқтидорли ёшларни рағбатлантириш мақсадида Президент давлат стипендияси квоталари сони камида икки баробарга оширилади.
Ўзбекистондаги хорижий ва қўшма олий таълим муассасаларининг бакалавриат босқичи талабалари учун ҳам Президент ва давлат стипендиялари жорий этилади.
Аввалроқ Ўзбекистонда ишламайдиган фуқаролар ҳам пенсия олишлари мумкин бўлиши, Тошкентда Президент университети очилиши ҳамда Ўзбекистонда энди маҳалла ходимлари тавсиянома асосида ОТМга қабул қилиниши ҳақида хабар берилганди.
Изоҳ (0)