Сеул суди Samsung Electronics вице-президенти Ли Чжэ Ённи пора берганликда айблаб, 2,5 йилга озодликдан маҳрум этди, деб хабар беради «РБК».
Ли Чжэ Ён 2017 йилда 5 йилда озодликдан маҳрум этилганди. Айблов версиясига кўра, у 6 миллион доллардан ортиқ миқдордаги пора беришга алоқадор. Шунингдек, Ли Чжэ Ён давлат Samsung C&T va Cheil Industries’нинг ўзига маъқул шартларда бирлашишига рухсат бериши учун амалдорларга 38 миллион доллар таклиф қилган ёки ваъда берган. Аммо бир йилдан сўнг суд Samsung Group раҳбарига чиқарилган ҳукмни шартлига ўзгартирган ва у озодликка чиққан.
2019 йилда суд Ли Чжэ Ённинг ишини қайта кўриб чиқиш учун қуйи турувчи инстанцияга юборган. Суднинг ҳозирги қарорига кўра, Ли қамоққа қайтади, бироқ ҳибсда ўтган бир йил муддати белгиланган жазо муддати ҳисобига қўшилади.
Коррупция можароси Жанубий Корея собиқ президенти Пак Кин Хе билан боғлиқ. Тергов Ли Чжэ Ённи президент Пак Кин Хенинг дугонаси Чхве Сун Силга тегишли компанияларга катта миқдорда маблағ ўтказиб берганликда айблаган.
2016 йил охирида Пак Кин Хега импичмент, апрелда эса айблов эълон қилинган эди. 2018 йилнинг февралида Чхве Сун Силь 20 йил қамоққа маҳкум этилган. Собиқ президент эса 25 йилга озодликдан маҳрум этилган ва 17,8 миллион доллар миқдорида жаримага тортилган.
Изоҳ (0)