Бухоро вилоятининг Бухоро туманидаги «Жондор» автотураргоҳида автобус ёниб кетгани хабар берилганди. Вилоят Фавқулодда вазиятлар бошқармасининг «Дарё»га маълум қилишича, ёнғин автобуснинг двигатель қисмидаги электр симларининг қисқа туташуви сабаб келиб чиққан.
Таъкидланишича, бугун, 17 январь, якшанба куни соат 09:18 да Бухоро туманидаги «Шергирон» маҳалласи ҳудудида жойлашган автобекатда ҳайдовчи З.О. бошқарувидаги Isuzu’да ёнғин чиққан.
«Амир Транс» МЧЖга тегишли 2016 йилда ишлаб чиқарилган оқ рангли, давлат рақами 80 870 EАА бўлган Isuzu автобусининг мотор ва салон қисми ёниб кетган.
Ёнғин ҳақидаги хабар туман Фавқулодда вазиятлар бўлимининг навбатчилик қисмига соат 09:19 да келиб тушган бўлиб, 2 та ёнғинга қарши экипаж оловни 09:33 да ўчирган.
Мавзуга доир: Қамчиқ довонида Mercedes юк машинаси ёниб кетди
Изоҳ (0)