Reddit сайтининг фойдаланувчиси катта ўзгаришларга бой бўлган сурати билан бўлишди. У 111 килограмм вазн ташлаб, таниб бўлмас даражада ўзгарган, деб ёзади «Korrespondent.net».
«Late-Community-5856» номли сайт фойдаланувчиси турмуш ўртоғи билан ажрашганидан кейин бир ярим йил ичида парҳезсиз вазн йўқотганини маълум қилган. Унинг пости жойлаштирилганига бир сутка ҳам бўлмай, 141 минг овоз ва 3 мингта изоҳ тўплаган.
Муҳокама чоғида эркак вазн йўқотишининг асосий сабаби – рафиқаси билан ажрашганидан кейинги тушкунлик эканини тан олган. «Мен шунчаки кўп овқатланишни тўхтатдим», − дейди у. Дастлабки 6 ойда 45 килограмм, кейинги 12 ойда ичида у яна 66 килограмдан халос бўлган.
Шунингдек, фойдаланувчи ажримдан бир йил ўтгач, ўзини қўлга олгани ва ҳозирда бахтли эканини ҳам қўшимча қилган.
Изоҳ (0)