АҚШнинг сайланган президенти Жо Байден мамлакат иқтисодиётини рағбатлантириш бўйича 1,9 триллион долларлик режани тайёрлади. Унда фуқаролар ва бизнесни қўллаб-қувватлаш борасидаги чоралар келтириб ўтилган, деб хабар беради «Коммерсантъ».
Жо Байден ўзининг сайловолди кампаниясида пандемия оқибатларига қарши курашни кучайтиришга ваъда берганди.
Режа қуйидагиларни ўз ичига олади:
- Пандемияга қарши кураш ва вакцинацияга 415 миллиард доллар;
- Уй хўжаликларга тўғридаги тўғри ёрдам учун 1 триллион доллар;
- Пандемияда энг кўп жабр кўрган кичик бизнес ташкилотларини қўллаб-қувватлашга 440 миллиард доллар.
Бунга қадар маъқулланган 600 долларга қўшимча равишда солиқ тўловчиларга 1,4 минг доллардан тўлаш таклиф этилмоқда. Шундай қилиб, декабрь—январь ойларидаги тўғридан-тўғри тўловлар 2 минг долларни ташкил этади, пандемия бошидан буён — 3,2 минг доллар. Ишсизлик учун тўланадиган қўшимча суғурта пуллар ҳафтасига 300 доллардан 400 долларга оширилади.
Изоҳ (0)