Ижтимоий тармоқларда Капитолийга уюштирилган ҳужум мемларга айланиб кетди. Ҳазилнинг бош қаҳрамони — викинг костюмидаги йигит

6 январь куни Дональд Трамп тарафдорларда президентлик сайловлари натижасига норозилик билдириш мақсадида Вашингтондаги Конгресс биносига бостириб кирди. Тартибсизлик ва тўқнашувлар оқибатида беш киши ҳалок бўлган, 50 дан ортиқ одам ҳибсга олинган, деб ёзади Esquire.

Ижтимоий тармоқлар фойдаланувчилари содир бўлган ақл бовар қилмас ҳолатни мемларга айлантиришни бошлади. «Викинг кийимидаги йигит» бинога уюштирилган ҳужумнинг асосий қаҳрамонига айланган.

Интернет фойдаланувчиларига унинг ғайриоддий кўриниши ёққан бўлиб, аксарият ҳазиллар шу йигит тасвири орқали амалга оширилган.

Викинг костюмидаги йигитнинг мемини ҳатто Илон Маск ҳам ўзи саҳифасига жойлаштирган.

Ва, албатта, унинг пайдо бўлиши «Симпсонлар»да башорат қилинган.

Ижтимоий тармоқларда унинг шахсига аниқлик киритилган. У Жейк Анжели бўлиб, олдин актёр, қўшиқчи ва дубляж актёри бўлиб ишлаган. Шунингдек, у фитна назариясига ишонувчи QAnon ҳамжамияти аъзоси ҳисобланади.

Шу билан бирга, Капитолияга ҳужум Жейк кўриниш берган биринчи норозилик акцияси эмас. Журналистлар уни 2019 йилги митингларда шаман кийимида пайқаб қолган.

Jake Angeli, 32, sporting horns and body paint, yells his thanks to President @realDonaldTrump and Q.

The latter is presumably a reference to QAnon, a controversial far-right group. @azcentral pic.twitter.com/RJ990L0xA2

— BrieAnna J. Frank 🌵 (@brieannafrank) May 5, 2020

Вашингтондаги тартибсизликлар тасвирланган қолган мемлар қуйидагича кўриниш олди: