Футбол бўйича Германия чемпионатининг 15-турида «Бавария» 8 январь, жума куни «Боруссия М» майдонига сафар қилди.
«Боруссия Парк» стадионида бўлиб ўтган ўйин голларга бой бўлди. Мюнхенликлар сафида Роберт Левандовски ва Леон Горетцка гол муаллифига айланган бўлса, «Боруссия»дан Ёнас Ҳоффман дублга эришди. Яна бир гол эса Флориан Нойҳаус ҳисобига ёзилди. Шу тариқа мезбонлар 3:2 ҳисобидаги ғалабани тантана қилди.
Натижада Ханс-Дитер Флик бошчлигидаги жамоанинг 20 та ўйиндан иборат мағлубиятсиз сериясига нуқта қўйилди.
Ушбу ғалабадан кейин «Боруссия» очколарини 24 тага етказиб олиб, 7-поғонадан жой олди. «Бавария» (33) эса мағлубиятга қарамай биринчи ўринда бормоқда.
Бундеслига
15-тур баҳси8 январь, жума
«Боруссия М» — «Бавария» 3:2
Голлар: 0:1 – 20, пенальти Левандовски, 0:2 – 26 Горетцка, 1:2 – 35 Ҳофманн, 2:2 – 45 Ҳофманн, 3:2 – 49 Нойҳаус.«Боруссия М»: Зоммер, Лайнер, Гинтер, Эльведи, Бенсебайни (Янчке, 89), Закария (Ҳеррманн, 74), Ҳофманн (Вендт, 89), Крамер, Нойҳаус, Штиндль (Вольф, 82), Эмболо.
«Бавария»: Нойер, Павар, Алаба, Зюле, Дэвис, Дуглас Коста (Коман, 68), Горетцка, Киммих, Мюллер, Левандовски, Сане.
Огоҳлантиришлар: Гинтер (62), Зюле (63).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)