Москва арбитраж суди «ГАЗ» маркасидаги автомобилларнинг ўйинчоқ моделлари билан ноқонуний равишда савдо қилиб келган Хитойнинг «Алиса» интернет дўконига нисбатан бошланган иш юзасидан ҳукм чиқарди. Суд автомобиль ишлаб чиқарувчи тарафида бўлиб, сотувчига «ГАЗ» учун компенсация тўлаш мажбуриятини юклаган, деб хабар беради Motor.
Жавобгар «Алиса халқаро савдо компанияси» АЖ ўзининг сайти орқали совет даврига оид машҳур автомобилларни Play Smart бренди остида сотган. Бу орқали у «ГАЗ/Бегуший олень», «ГАЗ», «Волга» ва «Тигр» каби товар белгиларига эгалик ҳуқуқи бор автомобиль ишлаб чиқарувчининг ҳуқуқларини бузган. Биринчи инстанция суди даъвони тўлиқ қондириб, талаб этилган 180 минг рубль (2,4 минг доллар) миқдоридаги компенсацияни мақбул деб топган.
Шу йилнинг баҳорида товар белгисидан фойдаланиш муаммосига «АвтоВАЗ» дуч келганди, яъни аввалроқ «GM АвтоВАЗ» номи билан танилган «Лада Запад Тольятти». Реклама компанияларидан бири автомобиль ишлаб чиқарувчи ноқонуний равишда 4х4 белгисидан фойдаланаётганини таъкидлаган. Фирма бунинг учун «АвтоВАЗ»дан беш миллион рубль талаб қилган, бироқ бу ҳеч қандай самара бермаган — суд автомобиль ишлаб чиқарувчи фойдасига ҳукм чиқарган.
2020 йилда Kia ҳам шу каби вазиятга тушиб қолди. Ростовлик банкрот бўлган бизнесмен Олег Ивус ХLine савдо белгиси 2015 йилдан буён ўзига тегишли эканлигини маълум қилган. Тадбиркор Kia Motors Corporation ва «Kia Motors Россия ва МДҲ» устидан даъво киритиб, компенсация талаб қилган. Октябрь ўрталарида Москва арбитраж суди Ивуснинг даъвосини қаноатлантирмагани маълум бўлган. Шунга қарамай, Rio Х-Line номи Rio Х’га ўзгартирилган, бироқ номнинг ўзгартирилиши даъвога боғлиқ эмаслиги айтилмоқда.
Изоҳ (0)