Замонавий футболнинг энг камтар футболчиларидан бири, «Челси» ва Франция терма жамоаси ярим ҳимоячиси Нголо Кантенинг қандай ҳаёт кечириши ҳақида ҳикоя қилиб берамиз.
Канте қаерда яшайди?
Канте майдонда ҳақиқий жангчи ва курашлардан асло қочмайди. Аммо ҳаётда у жуда камтар ва беозор йигит. Буни унинг қандай ва қаерда яшашидан ҳам билиш мумкиндир. «Аристократлар» ярим ҳимоячисининг Англияда шахсий уйи йўқ, футболчи Лондонда клуби ижарага олган хонадонда истиқомат қилади. Нголо ислом динига эътиқод қилгани боис, у учун пул асосий нарса эмас ва исрофгарчиликни умуман ёқтирмайди. Шу сабаб ишлаб топган миллионлаб маблағларини оила манфаатлари ва хайрия ишларига сарфлайди.
Футболчининг ўзи айтганидек, у кўп вақтни ижарага олинган уйда эмас, балки барча шароитлар мавжуд бўлган «Челси» базасида ўтказади.
Канте қандай машиналарда юради?
Канте учун автомобиль ҳашаматли эмас, балки транспорт воситасидир. Ҳафтасига қарийб 300 минг фунт (290 минг) маоши орқали Канте дунёдаги исталган машинани сотиб олишга қурби етади, аммо франциялик йигит шунчалик камтаринки, унда кичкинагина Mini Cooper’дан бошқа машина йўқ. Маълумотларга кўра бу машина ҳам унга номаълум мухлис томонидан совға қилинган.
«Лестер» билан Премьер Лигада ғалаба қозонганида эса клуб хўжайини жамоанинг ҳар бир футболчисига BMW совға қилади, аммо Канте бу машинани ҳайдашдан бош тортади ва уни хайрия ишлари учун бериб юборади.
Нима ҳам дейиш мумкин? Шунчаки қойил қолмасдан бошқа илож йўқ. Эҳтимол, у футбол оламидаги энг камтарин ўйинчидир.
Кантенинг дўстлари ким?
Канте жуда сирли, ёпиқ инсон бўлиб, юқорида таъкидланганидек, бирон бир жойга сайр қилишдан кўра, машқ қилишни афзал билади. Шунга қарамай, унинг бир қанча дўстлари бор.
«Челси»да у асосан Цезарь Аспиликуэта ва Эден Азар («Реал»га кетмасидан илгари) билан кўп мулоқот қилган.
Шунингдек, у Миши Батшуайи билан ҳам яхши муносабатларга эга.
Футболдан ташқари қизиқишлар
Канте ажойиб инсон ва унинг қизиқишлари ҳам шунга монанддир. Нголо профессионал фаолиятини бошлашидан олдин ҳисобчилик дипломини олишга улгурган. Шундай экан, футболчилик фаолияти якунлангач, Канте янги машғулот топиш масаласида бош қотирмаса ҳам бўлади.
Севимли машғулотлар ҳақида гап кетганда эса ярим ҳимоячи бўш вақтларида жамоадошлари билан бильярд ўйнашни яхши кўради.
Бошқа мақолалар:
Изоҳ (0)