30 декабрь куни Тошкент шаҳрининг Учтепа туманида «Қорбоболар паради» ўтказилиши тўғрисида хабар берилганди. Пойтахт ҳокимлиги матбуот хизматининг маълум қилишича, ушбу парадда туманнинг мингга яқин аҳолиси иштирок этган.
Маълум қилинишича, 100 га яқин Қорбобо кийимидаги фаоллар туман кўчалари бўйлаб ҳаракатланиб, аҳолига байрамона кайфият улашган, оркестр жамоалари эса турли кўнгилочар куй-қўшиқларни ижро этган.
Аввалроқ Андижонда ёшлар ташаббуси билан Янги йил байрамини кўтаринки руҳда нишонлаш, байрамни муносиб ўтказиш мақсадида «Янги йилга 1000 та Қорбобо» лойиҳаси ташкил этилгани тўғрисида хабар берилганди.
Изоҳ (0)