Давлат статистика қўмитаси маълумотларига кўра, 2020 йилнинг 11 ойида Ўзбекистонга хориждан 98 та электромобил импорт қилинган. Ушбу кўрсаткич 2019 йилнинг шу даврига нисбатан 66 тага кўп.
Маълум қилинишича, импорт қилинган электромобилларнинг 63 таси Хитой ҳисобига тўғри келади. Шунингдек, Жанубий Кореядан 13 та, Грузиядан 7 та ҳамда Германия, АҚШ, БАА, Россия ва Чехия каби давлатлардан 15 та электромобиль импорт қилинган.
Ўзбекистон ноябрь ойида хориждан 11 та электромобиль сотиб олган.
Маълумот ўрнида, 2020 йилда импорт қилинган электромобиллар учун 2,4 миллион АҚШ доллари сарфланган.
Аввалроқ Ўзбекистон ҳукумати «Ўзавтосаноат» компаниясини фақат электромобиллар ишлаб чиқаришга ўтказишни режалаштираётгани тўғрисида хабар берилганди. Тегишли қарор билан 2021 йил 1 февралгача компанияга хорижий мутахассислар ва консалтинг компанияларини жалб қилиш ва концепция лойиҳасини ишлаб чиқиш вазифаси топширилган.
Изоҳ (0)