«Барселона» Испания Ла Лигаси 16-тури доирасида 29 декабрь куни «Эйбар»га қарши кечган баҳсда 1:1 ҳисобида дуранг ўйнади.
Каталонлар ҳужумчиси Лионель Месси жароҳат сабаб ушбу баҳсни ўтказиб юборди.
Аргентиналик футболчи Primeрада дебют қилганидан буён (2004 йилда) «Барселона» Месси қатнашмаган ўйинларнинг фақат 55,9 фоизида ғалабага эришган. «Барселона» бундай ўйинларда 66 ғалаба, 39 дуранг ва 22 мағлубият қайд этган.
Месси майдонда бўлган ўйинларнинг 73,7 фоизи жамоанинг ғалабаси билан тугаган. 33 ёшли футболчи билан «Барселона» 368 марта ғалаба қозониб, 83 та дуранг ўйнаган ва 48 та мағлуб бўлган.
Месси Ла Лига 2020/21 йилги мавсумида 14 ўйин ўтказиб, 7 гол ва битта голли узатмага муаллиф бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)