Тошкент метрополитенининг янги очилган «Сергели» йўналиши бекатларидан метрога чиқиш 1 январгача бепул бўлади. Бу ҳақда «Ўзбекистон темир йўллари» компанияси матбуот хизмати маълум қилди.
26 декабрь куни соат 16:00 дан бошлаб Тошкент метрополитенининг «Сергели» йўналиши хизмат кўрсата бошлади. 1 январь соат 8:00 га қадар ушбу йўналишда янги очилган «1-бекат», «2-бекат», «3-бекат», «4-бекат», «5-бекат» станцияларидан метрога чиқиш бепул бўлади.
Бу Тошкентда 2020 йилда ишга туширилган 10—15-метро бекатлари бўлди. 29—30 август кунлари ерусти ҳалқа метро йўлининг биринчи навбати («Дўстлик-2» — «Қўйлиқ» оралиғи)даги еттита ва «Юнусобод» йўналишида иккита янги станция фойдаланишга топширилган эди.
Эслатиб ўтиш жоиз, Тошкент метрополитени Мустақиллик байрами муносабати билан уч кун — 31 август — 2 сентябрь кунлари йўловчиларга бепул хизмат кўрсатган эди.
Изоҳ (0)