Германияда аҳолини коронавирусга қарши эмлаш бошланди. Биринчи бўлиб Саксония-Ангальт ўлкасидаги Хальберштадтда жойлашган қариялар уйида яшовчи 101 ёшли аёл вакцина олди, деб ёзади «РБК» Bild нашрига таяниб.
Қариялар уйидаги 59 қариядан 40 нафари, шунингдек, марказнинг ўн нафар ходими ва бошқарувчи директори ҳам эмланган.
Гап BioNTech ва Pfizer томонидан ишлаб чиқилган вакцина ҳақида бормоқда. Германия ҳукумати режасига мувофиқ, оммавий вакцинация 27 декабрь куни бошланади. Саксония-Ангальт ўлкасига 26 декабрь куни эрталаб 9,7 минг доза етказилди, улар туманлар ва шаҳар округларига тарқатилди.
Биринчи навбатда 80 ёшдан ошган фуқаролар, қариялар уйлари ходимлари, шунингдек, тиббиёт ходимлари — амбулатор хизматлар, интенсив даволаш ва шошилинч ёрдам бўлимлари ходимлари эмланади.
«Йил охиригача федерал ўлкаларга 1,3 миллион доза вакцина етказиб берилади», — деди Германия соғлиқни сақлаш вазири Йенс Шпан.
27 декабрь куни Евроиттифоқнинг бошқа мамлакатларида ҳам вакцинация бошланади. Европа мамлакатларига жами бўлиб 4,2 миллионга яқин дозада вакцина етказилади.
Изоҳ (0)