Марказий Осиёдаги йирик алюминий профиллар ишлаб чиқарувчи ва AKFA Group таркибига кирувчи BENKAM Alu extrusions Нидерландиянинг Amari metals компанияси билан ҳамкорлик келишуви ва маҳсулотларнинг биринчи партиясини етказиб бериш бўйича битим имзолади.
Amari metals алюминий профиллар ва зангламайдиган пўлат қувурларни энг йирик ва ишончли етказиб берувчилардан бири сифатида дунё миқёсида тан олинган. У ярим тайёр ва тайёр металл маҳсулотлари бўйича эксперт бўлиб, алюминий профиллар ишлаб чиқариш соҳасида кенг кўламли хизматларни тақдим этади.
Навоий шаҳрида жойлашган BENKAM Alu extrusions заводи юқори сифатли алюминий профилларини олтита замонавий, ҳамда Италия ва Кореянинг юқори технологик экструзия прессларида ишлаб чиқаради. Заводнинг қуввати йилига 47 минг тоннагача тайёр маҳсулот олиш имконини беради.
Ишлаб чиқариш тўлиқ автоматлаштирилган бўлиб, бу меҳнат самарадорлигини ошириш, маҳсулот сифатини яхшилаш ва яроқсиз маҳсулотларни қисқартиради. Ўзбекистоннинг бошқа заводлари ичида BENKAM ўзининг ишлаб чиқариш жараёнида табиий муҳитга зарар етказмаслиги билан яхши ажралиб туради. Компанияда чиқиндиларни хавфсиз ва оқилона йўл билан бошқариш яъни уларни ажратиш ва қайта ишлаш тизими жорий қилинган.
2021 йилда Amari metals Нидерландияда 2 минг тонна BENKAM алюминий профилларини сотмоқчи ва келажакда Германия, Австрия, Чехия ва Венгрия давлатларига 8 минг тонна маҳсулот етказиб бериш режалаштирилган.
BENKAM Alu extrusions маҳсулотлари аллақачон дунёнинг 18 мамлакатига, шу жумладан АҚШ, Канада, Польша, Финляндия, Россия, Украина ва бир қатор МДҲ мамлакатларига экспорт қилинмоқда. BENKAM Alu extrusions маҳсулот етказиб беришни географик жиҳатдан кенгайтиришда давом этмоқда.
Эслатиб ўтамиз, AKFA Group бош ижро директори Камран Ғуломов ишлаб чиқариш базаси кенгайтирилишини эълон қилиб, комплекснинг ишлаб чиқариш қувватини йилига 100000 тоннага етказишни мақсад қилган.
Реклама ҳуқуқи асосида.
Изоҳ (0)