Ўзбекистонда ўрнатилган тўлов терминаллари сони 437 163 тани ташкил этиб, ўтган йилнинг мос даврига нисбатан 62 036 тага ёки 17 фоизга ошди, деб хабар бермоқда Марказий банк матбуот хизмати.
Республикада ўрнатилган банкомат ва инфокиосклар сони ўтган йилнинг 1 декабрь ҳолатига нисбатан 2 912 тага ёки 33 фоизга ошиб, 11 621 тага етган.
Марказий банк томонидан тақдим этилган, янгиланган статистик маълумотларга кўра, Ўзбекистон ҳудудидаги банкоматлар ва киоскларнинг 30 фоиз қисми – 3036 таси «Капиталбанк»га қарашли.
Шунингдек, муомаладаги банк карталари сони 26 миллионтадан ошиб, ўтган йилнинг мос даврига нисбатан 5,9 миллион донага кўпайган.
Spot’нинг ёзишича, «ёш» «Анорбанк» ва TBC Bank иккови учун деярли 1000 та карта чиқарган. Бир ой олдин, июнь ойида иш бошлаган TBC Bank 801 та картага, лицензияни август ойи охирида олган «Анорбанк» 104 та картага эга эди. Ушбу банклар ҳали бирорта банкомат ёки киоск ўрнатишга улгурмаган.
Аввал Марказий банкнинг банкоматлар излаш учун махсус Telegram-ботни ишга туширгани, банкоматларнинг жойлашуви ҳақидаги маълумотлар доимий янгилаб борилиши ҳақида хабар қилинганди.
Изоҳ (0)