«Атлетико» Ла Лига 15-тури доирасида 22 декабрь, сешанба куни «Реал Сосьедад»га қарши кечган баҳсда ғалаба қозонди (2:0).
Бу бош мураббий Диего Симеоне учун мадридликлар бошқарувидаги 499-ўйинда қўлга киритилган 300-ғалаба бўлди. Ундан аввал бу натижага «Атлетико»да фақат Луис Арагонес эришганди. Бироқ Арагонес 300 ғалабали довон учун 587 та ўйин сарфлаганди.
Симеоне 2011 йилдан буён «Атлетико»ни бошқариб келади. Жамоа 50 ёшлик мутахассис билан амалдаги шартномани узайтирмоқчи.
«Атлетико» 13 ўйинда 32 очко тўплаган ҳолда мусобақа жадвалида якка пешқадам бўлиб турибди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)