Бурун оқиши, ҳарорат кўтарилиши, терлаш каби симптомлар касаллик бошланаётганидан дарак беради. Организмдаги бу каби аломатлар кишини ҳолдан тойдиради, холсиз бўлиши ва кучсизланишига олиб келади. Рационнинг тўғри бўлиши ва фойдали маҳсулотлардан иборат таомларни истеъмол қилиш эса касалликнинг олдини олишда аҳамиятли бўлган иммунитетни мустаҳкамлаш ва уйқунинг меъёрда бўлишига катта ҳисса қўшади.
Мойчечакли чой
Мойчечакли чой организмни антибактериал фаоллигини жадаллаштиради, иммунитетни ҳимоя қилади ва уйқуни яхшилайди. Тадқиқотлардан бирида, она бўлган аёлларнинг бир неча ҳафта давомида мойчечакли чой истеъмол қилганидан кейин аҳволи яхшилангани маълум бўлган. Ушбу чойни нафақат иссиқ, балки совуқ ҳолда ҳам ичиш мумкин. Шунингдек, ундан смузи ва сули ёрмасидан бўтқа тайёрлаш учун ҳам фойдаланса бўлади.
Куркума
Яллиғланишга қарши самарадор бўлган куркумин, иммун ҳужайралари фаоллигини оширади ва антитананинг хусусиятини ҳам оширади. Фойдасини ошириш учун эса уни қора мурч билан қўшиш тавсия қилинади. Ушбу аралашмани смузи, шўрва ва сабзавотлардан тайёрланадиган таомларга қўшишингиз мумкин.
Қуритилган олча
Антиоксидантларнинг кони ҳисобланган қуритилган олча юқори нафас йўлларидаги касаллик билан боғлиқ симптомларни бартараф этади, иммун тизимини мустаҳкамлайди. Таркибидаги мелатонин сабаб тиниқиб ухлаш таъминланади. Киши тиниқиб ухлаганидан кейин вирус юқиши ва касалликка чалиниш эҳтимоли камаяди.
Ёнғоқ
Энг яхши яллиғланишга қарши маҳсулотлардан бири бўлган ёнғоқ иммун тизимини мустаҳкамланишида муҳим рол ўйнайдиган озиқа моддалари, хусусан, E витамин ва B6 мўл бўлади. Стресснинг назорат қилинмаслиги иммунитетга таъсир қилади, ёнғоқ эса стрессни камайтиради. Ёнғоқ ва қуритилган олча эса нонушта учун айни муддао.
Зайтун ёғи
Антибактериал хусусиятга эга бўлган зайтун ёғи кўплаб яллиғланиш жараёнлари, қандли диабет, ичаклар касаллиги ва семириб кетишни олдини олади. Самарага эришиш учун салатга зайтун ёғи қўшиш кифоя қилинади.
Изоҳ (0)