Пандемия бошидан буён АҚШда 292 001 киши COVID-19 оқибатида вафот этди, деб хабар беради «РБК» Жонс Ҳопкинс университети маълумотларига таяниб. Бу мамлакатнинг Иккинчи жаҳон уруши йилларидаги ҳарбий талафотларидан ҳам кўпроқ.
АҚШ ветеранлар масалалари бўйича вазирлиги маълумотларига кўра, уруш йилларида 291 557 киши урушда, яна 113 842 киши урушдан ташқарида ҳалок бўлган.
АҚШда коронавирусга чалиниш бўйича жами 15,6 миллионта ҳолат қайд этилган.
АҚШ касалликлар назорати ва профилактикаси маркази (CДC) директори Роберт Редфилд яқин икки-уч ойда касалланганлар сони ўсиши мумкинлиги ҳақида огоҳлантирди. Аввалроқ АҚШда бир кеча-кундузда коронавирусдан вафот этганлар сони бўйича навбатдаги антирекорд ўрнатилган эди (3054 та ўлим). Таққослаш учун: 11 сентябрь терактларида қарийб 2,9 минг киши, Пёрл-Харборга ҳужум чоғида эса тахминан 2,4 минг киши ҳалок бўлган.
Изоҳ (0)