Футбол бўйича Европа Чемпионлар Лигаси гуруҳ босқичи 6-тури доирасида «Барселона» 8 декабрь, сешанба куни ўз майдонида «Ювентус» қабул қилиб 0:3 ҳисобида енгилди.
Учрашувда туринликлар сафида Криштиану Роналду (дубль) ва Уэстон Маккенни ўз номини таблога ёздириб қўйди ва жамоасининг ғалабасини таъминлади.
Роналду «Камп Ноу»да «Барселона»га қарши ўтган сўнгги 13 та ўйинда 14 та гол уришнинг уддасидан чиқди. Голларнинг учтаси 11 метрлик жарима зарбасидан урилган.
Қайд этиш жоиз, Роналду «Реал»дан кетганидан бери илк бор «Камп Ноу»да майдонга тушди. Сўнгги бор португалиялик ҳужумчи бу стадионда 2018 йил майида ўйин ўтказганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)