«Спартак» ярим ҳимоячиси Остон Ўрунов «Уфа»га қайтиши мумкин, дея хабар қилмоқда «РИА Новости».
«Ўруновнинг қайтиши «Уфа» учун яхши вариант бўларди. Клуб уни қишки трансфер вақтида ижарага олиш ёки харид қилиш вариантларини кўриб чиқмоқда.
Уфаликлар сафида у етарли ўйин амалиётига эга бўларди, етакчига айланарди. Ўрунов клубнинг талабларини билади, унинг учун бу таниш», — дейди манба.
Эслатиб ўтамиз, Ўруновга Қозоннинг «Рубин» клубидан қизиқиш бўлмоқда. Аввалроқ москваликлар бош директори Шамил Газизов «Рубин»дан Ўрунов трансфери борасида таклиф тушганини маълум қилганди.
Мавзуга доир: Вадим Абрамов Остон Ўруновнинг келажаги ҳақида: «Спартак» мураббийи уни кўрмаётган бўлса, у ҳолда Остон «Рубин»га ўтиши керак
Ўрунов 2020 йилнинг январида «Уфа» футболчисига айланганди ва 2019/20 йилги мавсумда Россия Премьер Лигасида 10 ўйинда майдонга тушиб, 2 та сариқ карточка олди. Остон ёзги трансфер ойнасида «Уфа»дан 1 миллион евро эвазига пойтахт клубига ўтди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)