Қозоғистонда коронавирусга чалинганлар сони 135 минг кишига, Қирғизистонда эса 75 минг кишига яқинлашди

Қозоғистонда 5 декабрь ҳолатига кўра, яна 792 кишида коронавирус тасдиқланди. Бу ҳақда мамлакат Соғлиқни сақлаш вазирлигига таяниб, Tengrinews хабар берди.

Маълумотларга кўра, мамлакатда ҳозирга қадар COVID-19 билан касалланганларнинг умумий сони 134 706 нафарга етган, уларнинг 118 643 нафари соғайган, 2063 киши вафот этган. Шунингдек, 1 августдан буён Қозоғистонда 42 680 кишида пневмония аниқланган бўлиб, уларнинг 448 нафари вафот этган.

Коронавирусга чалиниш бўйича ҳолатлар қуйидаги ҳудудларда аниқланган:

• Олмаота шаҳри — 16 396;
• Нур-Султон шаҳри — 16 358;
• Атирау вилояти — 11 754;
• Қарағанда вилояти — 11 213;
• Шарқий Қозоғистон вилояти — 16 938;
• Ғарбий Қозоғистон вилояти — 8220;
• Чимкент шаҳри — 5395;
• Олмаота вилояти — 5866;
• Жамбил вилояти — 4498;
• Шимолий Қозоғистон — 6887;
• Павлодар вилояти — 6892;
• Костанай вилояти — 5725;
• Ақмўла вилояти — 5599;
• Туркистон вилояти — 3504;
• Манғистов вилояти — 3445;
• Қизилўрда вилояти — 3297;
• Ақтўбе вилояти — 3511.

Аввалроқ Қозоғистонда 22 декабрдан Россиянинг «Спутник V» вакцинасини ишлаб чиқариш йўлга қўйилиши тўғрисида хабар берилганди.Қирғизистонда ўтган бир сутка ичида яна 401 кишида коронавирус аниқлаб, бутун мамлакат бўйлаб COVID-19’га чалинганлар сони 74 774 кишига етди. Бу ҳақда мамлакат Соғлиқни сақлаш вазирлигига таяниб, Kloop хабар берди.

Ўтган бир сутка ичида коронавирусга чалиниш бўйича ҳолатлар қуйидаги ҳудудларда аниқланган:

• Бишкек — 99;
• Чуй вилояти — 133;
• Ўш вилояти — 22;
• Жалолобод вилояти — 39;
• Иссиқкўл вилояти — 45;
• Ўш шаҳри — 20;
• Боткен вилояти — 26;
• Норин вилояти — 2;
• Талас вилояти — 15.

Шунингдек, ўтган бир сутка ичида 425 кишига касалхонадан жавоб берилган. Бугунги кунга қадар 66 538 киши вирусдан соғайган. Қирғизистон Соғлиқни сақлаш вазирлиги маълумотларига кўра, мамлакатда пандемия бошланганидан буён 1290 киши COVID-19 қурбонига айланган.Афғонистон Соғлиқни сақлаш вазирлигининг маълумотларига кўра, ўтган бир сутка ичида мамлакатда яна 132 кишида коронавирус аниқланган, деб хабар беради Tolo News.

Бутун мамлакатда ҳозирга қадар коронавирус инфекцияси билан касалланганлар сони 47 388 кишига етган.

Беморларнинг 37 347 нафари соғайган бўлса, 1847 киши вирус асоратлари оқибатида вафот этган.

Вазирлик маълумотларига кўра, бугунги кунга қадар давлат марказларида 155 916 марта коронавирусга тест олинган.

Тожикистонда коронавирусга чалинганлар сони 12 349 кишига етди, деб хабар беради Central Asia.

Ўтган бир сутка ичида мамлакатда яна 41 кишида коронавирус аниқланган.

Мамлакат Соғлиқни сақлаш вазирлигининг маълумотларига кўра, ҳозирга қадар Тожикистонда 87 киши COVID-19 қурбонига айланган. Ҳозирга қадар мамлакатда 11 758 киши соғайган.

Ўзбекистонда 5 декабрь соат 10:00 ҳолатига кўра, коронавирус инфекцияси қайд этилганлар сони 73 751 нафарни ташкил этмоқда. Бу ҳақда ССВ матбуот хизмати хабар берди.

Мамлакатда ҳозирга қадар 71 002 нафар коронавирус инфекциясига чалинган фуқаролар тузалган ва соғайиш кўрсаткичи 96 фоизни ташкил қилмоқда.

Ҳозирда Ўзбекистонда 2138 нафар беморга шифокорлар томонидан белгиланган стандартлар бўйича даво чоралари кўрилмоқда.

Аввалроқ Ўзбекистонда коронавирус бўйича саволларга жавоб берадиган Call-марказ фаолияти вақтинчалик тўхтатилгани тўғрисида хабар берилганди.