Ўзбекистонда энди олий ва ўрта махсус таълим муассасасида ўқиганликни тасдиқловчи маълумотномани онлайн олиш мумкин, дея хабар бермоқда Ягона интерактив давлат хизматлари портали.
Қайд этилишича, бунинг учун Ягона интерактив давлат хизматлари порталида авторизациядан ўтиш ва хизматдан фойдаланиш бўйича сўровномани тўлдириш керак.
Маълум қилинишича, ушбу маълумотнома 5 иш куни давомида шакллантирилади ва электрон кўринишда Ягона интерактив давлат хизматлари порталидаги шахсий кабинетга юборилади. Хизматдан фойдаланиш бепул.
Аввалроқ Ўзбекистонда энди иш ҳақи ва иш стажини тасдиқлаш тўғрисидаги архив маълумотномасини ва доимий яшаш жойида рўйхатдан ўтганлар сони тўғрисида маълумотномани онлайн олиш имкони яратилган эди.
Изоҳ (0)