Коронавирусга чалинган болаларнинг вирус ташувчанлиги биринчи тўлқинга қараганда ошди. «Интерфакс»нинг хабар беришича, бу ҳақда 3 декабрь куни Санкт-Петербург давлат педиатрия тиббиёт университетининг COVID-19’га чалинган болалар бўлими бошлиғи Светлана Баннова маълум қилган.
Унинг сўзларига кўра, биринчи тўлқин даврида болалар симптомсиз эди, аммо вирус ажратиш вақти қисқа эди. «Аммо иккинчи тўлқин бошланганда, болалар вирусни узоқ вақт ишлаб чиқаётганини кузатдик. Касаллик симптомсиз ўтишда давом этмоқда, биз вирус борлигининг англатувчи жиҳатларни кўрмаяпмиз, аммо болалар вирусни 3-4 ҳафта чиқаришда давом этаётгани ҳақида лаборатория тасдиқлари келмоқда», — деган Баннова.
Мутахассис бундай болалар бошқаларга вирусни юқтириш манбаи эканлигини таъкидлаган.
Изоҳ (0)