Россияда 3 декабрь соат 11:00 ҳолатига кўра яна 28 145 кишида коронавирус аниқланди, деб хабар бермоқда Meduza, COVID-19’га қарши курашиш тезкор штабига таяниб.
Бу касалланганлар сони суткалик ўсиши бўйича пандемия давридан буён юқори кўрсаткич. Бир кун аввал 25 345 кишида COVID-19 аниқланганди. Касалланганларнинг умумий сони 2 375 546 нафарга етди.
Янги аниқланган касалланиш ҳолатларининг энг кўпи Москва (7750 та), Санкт-Петербург (3692 та) шаҳарларида ҳамда Москва (1193 та), Нижний Новгород (481 та) ва Карелия (472 та) вилоятларида аниқланган.
Сўнгги суткада коронавирусдан 554 киши вафот этган. Бундан бир кун аввал COVID-19 беморларининг 589 нафари вафот этиб, кунлик ўлимлар сони бўйича пандемия давридан буён рекорд кўрсаткич бўлганди. Тезкор штаб маълумотларига кўра, мамлакатда COVID-19’дан жами 41 053 киши вафот этган.Бир кеча-кундузда мамлакатда COVID-19 беморларининг 29 502 нафари соғайган (бундан бир кун аввал 26 882 киши соғайганди). Мамлакатда умумий ҳисобда 1 859 851 киши коронавирусдан тузалган.
Штаб маълумотларига кўра, Россияда айни пайтда 474 088 киши коронавирусдан даволанмоқда.
«Роспотребнадзор» маълумотларига кўра, мамлакатда коронавирусни аниқлаш учун сўнгги 24 соатда 493 мингта тест ўтказилган. Бир кун аввал 444 мингта тест ўтказилганди. Пандемия бошланганидан буён ўтказилган тестлар сони 77,6 миллионтадан ошган.
Изоҳ (0)