Энг кўп тарқалган аутоиммун касалликларидан бири псориаз, терида қичима келтириб чиқариши мумкин бўлган тошмалар пайдо бўлиши билан кечади. Маълумотларга қараганда, дунё аҳолисининг 3 фоизи айнан шу касалликдан азият чекади.
Турмуш тарзини ўзгартиринг
Тадқиқотларда псориазга чалиниш хавфи ортиқча вазнли, иккинчи турдаги қандли диабет, юрак ишемияси ҳамда гипертония билан касалланган беморларда юқори бўлади. Шу сабабдан шифокорлар медикаментозлар билан даволашдан ташқари турмуш тарзини ўзгартириш ва зарарли одатлардан воз кечиш кераклигини таъкидлайди. Хусусан, гликемик кўрсаткичи юқори бўлган маҳсулотларни емаслик ва яллиғланишга қарши маҳсулотлар: балиқ, ёнғоқ, сабзавот, мева ҳамда кўкатлар истеъмол қилишни тавсия қилади.
Шифокор кўрсатмасига қатъий амал қилинг
Псориазни даволашда вақтида маз ва кремларни суртиш ҳамда шифокор ёзиб берган кўрсатмаларга амал қилиш керак. Ўзбошимчалик билан қабул қилиниши керак бўлган дориларни тўхтатиб қўйиш тузалиш жараёнини секинлаштириши, ҳатто жиддий асоратга олиб келиши ҳам мумкин.
Шифокор билан палео-парҳез тутишни маслаҳатлашинг
Ушбу парҳезда донли ва сутли маҳсулотлар деярли истеъмол қилинмайди. Шифокор билан тери ва бошдаги тошмаларни камайтиришга ёрдам берадиган ва пайдо бўлишинг олдини олишда самара берадиган ушбу рационга амал қилиш бўйича маслаҳатлашиб кўринг.
Препаратлар билан бирга халқ табобатини ҳам синаб кўринг
Псориазнинг енгил формасида ўсимлик ёғи ҳамда оддий дамлама ҳам самара бериши мумкин. Оғирроқ формасида эса препарат билан биргаликда даволаб кўриш керак. Аммо қандай даво кўришдан қатъи назар ўзбошимчалик қилманг, шифокор билан маслаҳатлашинг.
Ультрабинафша нурларидан фойдаланиб кўринг
Тадқиқотларда ушбу терапиянинг самараси аниқланган бўлиб, маълум бўлишича ультрабинафша нурларидан маълум миқдорда даволаш мақсадида ёрдам беради. Бу тошмаларни камайтириши ҳамда уларнинг пайдо бўлишини олдини олишга ёрдам беради. Аммо ушбу муолажа юрак касалликлари ҳамда қандли диабетнинг ривожланишига сабаб бўлиши мумкинлиги сабаб ҳам шифокор маслаҳатисиз иш қилмаслик керак.
Лазер ҳам ёрдам бериш мумкин
Агар тошмалар тана қисмининг 10 фоиздан кўпини қопламаган бўлса, лазер орқали даволаш ҳам самара беради. Шифокорлар, айниқса, ушбу усулни бош терисини даволашда самара беришини таъкидлайди.
Капсаицин қичимада яхши ёрдам беради
Қалампирнинг ўткирлиги айнан ушбу модда билан боғлиқ бўлади ва у қичима ҳамда яллиғланишни зўриқишида ёрдам бериши мумкин. Капсаицин экстракти ёки оддий қалампирни қаймоққа аралаштириб, тошмалар устига суртиш керак.
Ванилин экстрактидан фойдаланиб кўринг
Сичқонларда ўтказилган тадқиқот натижаларига кўра, оз миқдордаги сунъий ванилин экстракти псориазда тошмаларни кетказиши аниқланган. Ушбу экстракт яллиғланишда самара берадиган Il-17 ва Il-23 оқсилларини фаоллаштиради ҳамда касаллик симптомларини енгиллаштиради.
Изоҳ (0)