Самарқанд вилояти Нарпай туманида 33 ёшли эркак спиртли ичимлик таъсирида ўзига таниш бўлган аёл билан келиб чиққан келишмовчилик оқибатида уни калтаклаб, ўлимига сабаб бўлди. Бу ҳақда Ички ишлар вазирлиги ҳузуридаги Тергов департаменти хабар берди.
Тергов департаменти хабарига кўра, 2020 йилнинг 27 ноябрь куни соат 22:00 да Нарпай тумани «Кўк-ота» МФЙ Ўлмас қишлоғида яшовчи 33 ёшли фуқаро Жаҳонбек Д. 7 нафар таниши билан «Равот олчин» МФЙда жойлашган умумий овқатланиш жойида ўтириб, спиртли ичимлик истеъмол қилган. Шундан сўнг Жаҳонбек Д. 34 ёшли таниши Гулмира Т. билан келиб чиққан келишмовчилик оқибатида уни шу атрофдаги боғнинг ичига олиб борган ва танасининг турли қисмларига қўли ва оёқлари билан уриб, тепиб тан жароҳати етказган.
Шундан сўнг Жаҳонбек Д. таниши Гулмира Т.га тиббий ёрдам кўрсатиш ва унинг ҳаётини сақлаб қолиш мақсадида тез ёрдам хизматига мурожаат қилган. Бироқ Гулмира Т. олган тан жароҳатлари оқибатида ҳодиса жойида вафот этган.
Ҳодиса жойини кўздан кечириш давомида марҳума Гулмира Т.нинг эгнидаги кийимлари ашёвий далил тариқасида расмийлаштириб олинган.
Мазкур ҳолат юзасидан Нарпай туман ИИБ ҳузуридаги Тергов бўлинмаси томонидан фуқаро Жаҳонбек Д.га нисбатан Ўзбекистон Республикаси Жиноят кодексининг 104-моддаси 3-қисми «д» банди (жабрланувчининг ўлимига сабаб бўлган қасддан баданга оғир шикаст етказиш) билан жиноят иши қўзғатилган.
Жиноят иши бўйича Жаҳонбек Д. гумон қилинувчи тариқасида жалб қилиниб, процессуал тартибда ушланган.
Мавзуга доир:
- Навоийда ёқтирган қизига гапирган йигит билан жанжаллашиб унга оғир тан жароҳати етказган ўсмир қўлга олинди
- Ангренда аммасининг қизини ҳимоя қилган йигит уч киши томонидан калтакланди
- Фарғоналик йигит интернет орқали танишган қизи унга турмушга чиқмаслигини айтгани учун қизнинг уйига бориб, 2 ойлик чақалоқни ўлдирди
- Наманганда 16 ёшли бола севган қизига SMS юборгани учун ўзидан бир ёш катта болани пичоқлаб ўлдириб қўйди
Изоҳ (0)