Ўзбекистон 2020 йилнинг 10 ойида 24 та хорижий давлатлардан қиймати 35 миллион долларга тенг 26,1 минг тонна чой импорт қилди, деб хабар бермоқда Давлат статистика қўмитаси.
Бу кўрсаткич ўтган йилнинг мос даври билан солиштирилганда 3 миллион долларга кам.
Қайд этилишича, ўтган 10 ой мобайнида Ўзбекистон чой маҳсулотини энг кўп импорт қилган давлатлар қуйидагилар:
- Хитой – 20,2 минг тонна;
- Кения – 2,4 минг тонна;
- Вьетнам – 1,2 минг тонна;
- Эрон – 697,8 тонна;
- Ҳиндистон – 379,6 тонна;
- Индонезия – 356,0 тонна;
- Шри-Ланка – 324,5 тонна.
Аввалроқ Ўзбекистонга ёғоч ва ёғоч маҳсулотлари импорти камайгани ҳақида хабар берилган эди.
Изоҳ (0)