«Avito.ru» сайтида 1970 йилда ишлаб чиқарилган «ВАЗ-2101» 1,6 миллион рубль (20 минг доллар) нархида сотувга қўйилган тўғрисида эълон пайдо бўлди — таққослаш учун, бу пулга учта янги Lada Granta седанини харид қилиш мумкин. Сотувчининг таъкидлашича, «Копейка»нинг мазкур нусхаси конвейрдан 0001079 рақами орқали сотувга чиққан — чакана савдо орқали сотилган биринчи моделлардан бири, деб ёзади Motor.
Сотувга қўйилган «ВАЗ-2101» 1970 йилга ва 1166 конвейр рақамига эга. Ўзига хос жиҳатлари — эмблема ва радиатор панжарасининг дастлабки версияси, шунингдек, дастлабки йиғилган 1,5 мингта «Копейка»даги каби ажралиб турган худди Fiat 124’никига ўхшаш жамланма ва маркировкалари. Эълондаги суратларга кўра, автомобиль у қадар яхши аҳволда сақланмаган.
Энг биринчи йиғилган «ВАЗ-2101»лардан бири ҳисобланувчи моделга 59 от кучига эга 1,2 литрли двигатель ўрнатилган бўлиб, машина ҳозирга қадар 60 минг километр йўл босган.
Ушбу нусха «Авито» орқали сотувга қўйилган энг қиммат «ВАЗ-2101» эмас. Масалан, 1971 йилда ишлаб чиқарилган ва идеал ҳолатда сақланган «Копейка» учун 1,8 рубль сўралмоқда.
Шунингдек, 1970 йилги «ВАЗ-2101» 3,5 миллион (45 минг доллар) рубль нархида сотувга қўйилгани тўғрисида ҳам эълон мавжуд: ҳозирга қадар 44 минг километр юрган машинага икки киши эгалик қилган.
Аввалроқ деярли йўл босмаган 38 ёшли «Копейка» янги Lada Vesta Sport нархида сотувга қўйилгани тўғрисида хабар берилганди.
Мавзуга доир: Видео: 38 йилдан бери идеал ҳолатда сақланган «Копейка»
Изоҳ (0)