Таниқли актёр Жейсон Момоа «Тахтлар ўйини»дан сўнг моддий қийинчиликларга учраганини маълум қилди (фото)

«КиноПоиск» сайтининг маълум қилишича, Жейсон Момоа «Тахтлар ўйини» фильмининг суратга олиш ишлари тугаганидан сўнг моддий қийинчиликларга учраган. Ўша вақтда ҳали фильм машҳурликка эришмаган ва Момоага бошқа фильмлардан таклиф ҳам тушмаган. Лекин актёр рафиқаси ва икки фарзандини боқиши учун маблағ керак бўлган.

«Биз ‘Тахтлар ўйини’ якунлангандан сўнг чиндан ҳам пулсиз қолгандик», − дейди Жейсон. – Мен ҳеч қандай иш топа олмадим. Оғир кунлар эди, оиланг, фарзандларинг бор, сен эса қарзга ботиб кетгансан».

2016 йилга келиб режиссёр Зак Снайдер Жейсонни «Бетмен Суперменга қарши» картинасида Аквамен ролига таклиф этгандан сўнг вазият сезиларли даражада ўзгарди. 2018 йилда у янги лойиҳада сув ости суперқаҳрамони ролини ижро этди, бу 1,14 миллиард доллар − энг юқори даромад топган фильмга айланди.

Момоанинг сўзларига кўра, у Айова штатида ёлғиз онасининг қўлида тарбия топган, аммо кўп вақти ўзи туғилган ҳамда гавайилик отаси яшайдиган Оахуда ўтган. «Мен қарама-қарши икки хил дунёга эга инсонлар маҳсулиман», − дейди у.

У Айова штатидаги мактабда таҳсил оладиган турли миллатга мансуб ягона ўқувчи бўлган. Момоа дастлаб безорилар учун яхшигина нишонга айланган, кейинчалик маҳаллий спортчилар ҳам уни санъат ва скейтборд билан шуғулланишини маъқулламаган. «Улар мени жуда кўп калтаклар эди. Айбим ҳаммадан ажралиб турганимда эди», − деб эслайди актёр.

Актёрнинг дебют роли – «Malibu қутқарувчилари» фильмидаги иштироки тасодифан рўй берган. У дўстлари билан бирга лойиҳада иштирок этаётган сузиш кийимидаги қизларни кўриб, ҳайратда қолган, тўсатдан унга фильмда роль ижро этиш таклифи тушган. Шундан сўнг Жейсон актёр бўлишга қарор қилган.

Момоанинг уйидан скейтборд учун қўлда ясалган пандус, Фрея исмли уй эшаги ва буюртма асосида яслаган электр гитарани топиш мумкин. Шунингдек, актёр пушти рангни ёқтиради. «Пушти шунчаки чиройли ранг. Менга ким нима деб ўйлаши муҳим эмас», − дейди актёр.