Россиянинг Иркутск вилоятидаги уй қурилиши учун 50 нафар, шунингдек, Амур вилоятида космодром атрофидаги қурилиш объектларида ишлаш учун 199 нафар Ўзбекистон фуқароси чартер рейс орқали жўнаб кетди. Бу ҳақда Ташқи меҳнат миграцияси агентлиги хабар берди.
Агентлик хабарига кўра, фуқароларнинг транспорт, овқатланиш, ишлаш учун рухсат берувчи патент ва яшаш харажатлари, агарда ишчида касаллик, аниқланса, унинг даволанишини иш берувчи компаниялар томонидан таъминланади. Шунингдек, уларнинг ойлик иш ҳақи ўртача 40-60 минг рублни ташкил этади.
Мазкур фуқаролар 14 кунлик карантиндан сўнг белгиланган эпидемиологик талаблар ва карантин чекловларига риоя қилган ҳолда қурилиш объектларида иш бошлайди.
Аввалроқ Россиянинг Кемерово шаҳри аэропорти қурилишида ишлаш учун 164 нафар Ўзбекистон фуқароси 6 ноябрь куни чартер рейс орқали жўнаб кетгани ҳақида хабар берилганди. Шунингдек, сентябрь ойида «Газпром» заводи атрофидаги қурилишларда ишлаш учун 231 нафар, Амур вилоятидаги завод қурилишида ишлаш учун 346 нафар ўзбекистонлик Россияга жўнаб кетганди.
Мавзуга доир: Ўзбекистон фуқаролари Финляндияга ишга юборилиши мумкин
Изоҳ (0)