Энергетика вазири ўринбосари Шерзод Хўжаев келгуси нарх ўзгариши қачон кутилаётгани ҳақидаги саволга жавоб қайтарди. Бу ҳақда «Kun.uz» хабар берган.
«Бу йил нарх ошмади. Аниқ айтишимиз мумкинки, 2021 йилда ҳам нархни оширмаслик бўйича топшириқ олганмиз. Таннархга етказиб олдик ёки етказиб олмадик, деган саволга келсак, ислоҳотлардан, трансформациядан энг асосий мақсад – мана шу таннархни пасайтириш.
Биринчидан, бизда кейинги йил янги, таннархи анча паст бўлган энергоқурилмаларимиз, энергостанцияларимиз ишга тушиб, нисбатан арзонроқ энергия ишлаб чиқариш кўпаяди», – деган вазир ўринбосари.
Шунингдек, матбуот анжуманида Шерзод Хўжаев «Ўзбекистон ўзида электр ёки газ ишлаб чиқаришдан кўра, импорт қилиш арзонга тушадиган давлатга айланадими?» дея берилган саволга ҳам жавоб берган.
«Рақамларга қарайдиган бўлсак, экспорт ҳажми миллион долларда ҳисоблайдиган бўлсак, импорт билан теппа-тенг. Яъни биз импортчи мамлакатмиз дейишимиз нотўғри», – дея қайд этган Хўжаев.
Мавзуга доир:
- Ўзбекистонда ўтган тўққиз ой ичида товарлар ва хизматлар нархи қанчага ошгани маълум қилинди
- «Давлат бу зулуклардан кечиб майдонни мард, ҳалол, масъулиятли рақобатчиларга тезроқ бўшатиб бериши керак» — Расул Кушербаев монополистлар ҳақида
- «Ўзбекистоннинг бир нечта ҳудудларида қуёш, шамол ва иссиқлик электр станциялари қурилади» – Энергетика вазири ўринбосари
Изоҳ (0)