Тошкент табиатни муҳофаза қилиш прокуратураси ташкил этилди. Янги ихтисослаштирилган прокуратура штатида 10 та бошқарув ходими фаолият олиб боради. Улар Тошкент вилояти прокуратураси штат бирликларини мақбуллаштириш ҳисобига шакллантирилди, деб ёзмоқда «Xabar.uz».
Эслатиб ўтамиз, 2020 йил 27 августда қабул қилинган «Бўстонлиқ туманида бошқарувнинг алоҳида тартибини жорий этиш орқали туризмни жадал ривожлантириш чора-тадбирлари тўғрисида»ги Президент фармонида Бош прокуратура тизимида табиатни муҳофаза қилишга оид қонунчилик ижроси устидан назорат ҳамда ерлардан ноқонуний фойдаланишни бартараф этиш бўйича ихтисослаштирилган прокуратура ташкил этилиши белгиланган.
Хабарга кўра, янги тузилма (бир нафар прокурор ўринбосарлиги вакант эканини истисно қилганда) тўла таркиб билан иш бошлаган. Тошкент вилояти прокуратураси бўлим бошлиғи ўринбосари лавозимида ишлаб келган Фаррух Бобораҳимов Тошкент табиатни муҳофаза қилиш прокурори этиб тайинланган.
Мавзуга доир:
- «Беш хонали квартира ва Trailblazer». Бош прокурор «Янгиобод» бозори директори ноқонуний орттирган маблағларини нимага сарфлаганини маълум қилди
- «Бўстонлиқдан дала ҳовли, Tashkent City’дан 2 та уй ва Captiva». «Арк булоқ» божхона пости собиқ бошлиғи олган пораларини нимага сарфлагани маълум бўлди
- Бош прокурор: «Ўтган икки йилда молия органларининг 41 нафар ходими коррупция ҳолатлари учун жиноий жавобгарликка тортилган»
Изоҳ (0)