Товоннинг қадоқ бўлиши нафақат хунук кўринади, балки оғриқ ҳам беради. Кейинчалик бартараф қилишда қийинчилик келиб чиқмаслиги учун ҳам у пайдо бўлиши билан бефарқ бўлмаслик керак. Бугунги кунда қадоққа қарши бир қанча восита ва кремлар бўлишига қарамай, уларнинг бари вақтинчалик таъсир кўрсатади. Сирка ёрдамидаги лайфхакни амалга оширгандан 15 дақиқа кейин эса товонлар юмшайди, қадоқлар эса вақт ўтиши билан камая бошлайди.
Қандай тайёрланади?
- Оғизни чайиш учун мўлжалланган исталган антисептик восита — 1 стакан;;
- Илиқ сув — 2 стакан;
- Сирка — 2 стакан (10 фоизли).
Нима қилиш керак?
Юқоридагиларни аралаштириб, оёқларни 10-15 дақиқа ванна қилинг, кейин пемза ёки махсус тош билан товонни ишқаланг. Бундай ваннадан кейин оёқдаги ўлик тери осонлик билан кўчади. Бир неча марта такрорланганидан кейин эса ижобий натижани кўриш мумкин бўлади.
Ваннага яна нималар қўшиш мумкин?
1 стакан мойчечакли чой қуруқ ва қаттиқ тери, шунингдек, ёриқ ва қадоқларда ёрдам беради. Лаванда ёғидан бир неча томчи қўшса ҳам бўлади. Эфир ёғи хушбўй ифор бахш этади.
Ваннали муолажалардан кейин таъсири тезроқ сезилиши учун оёқларга вазелин ёки крем суртиш ва кремни ўзига тортмайдиган пайпоқ кийиш керак. Тонгда юқоридаги муолажани яна бир марта амалга ошириш тавсия қилинади.
Изоҳ (0)