7 ноябрь куни ниҳоят АҚШ президенти сайловлари ғолиби аниқ бўлди. Уч кеча-кундуз давомида овозларни ҳисоблаш кечикаётгани ва рақиблар ўртасидаги фарқ кичик бўлгани учун Американинг навбатдаги етакчиси ким бўлишини олдиндан айтиш қийин бўлаётган эди, деб ёзади Meduza. 7 ноябрь куни Американинг энг йирик ОАВлари демократ Жо Байден Пенсильванияда ғолиб бўлаётганини эълон қилди, демак у сайловларда ҳам ғолиб бўлади. Байденнинг тарафдорлари бу янгиликни шодиёналар билан кутиб олди. Амалдаги АҚШ президенти ҳозирча мағлубиятини тан олгани йўқ, аммо Байденнинг ғалабасидан қувонаётган америкаликлар Оқ уй ёнига Дональд Трамп қиёфасидаги шиширилган қўғирчоқ ва «Loser» («мағлуб», «омадсиз») ёзуви туширилган шарларни олиб келди.
Изоҳ (0)