Lego компанияси «Арвоҳ овчилари» кинофраншизасидаги машҳур автомобилга бағишланган жамланмасини тақдим этди. 2352 та деталдан иборат 1959 йилги Cadillac Miller-Meteor Ecto-1’ни йиғиш учун 199 доллар тўлаш керак, деб хабар беради Motor.
Дания компаниясининг янги жамланмаси 2352 та деталдан иборат бўлиб, унинг ёрдамида «Арвоҳ овчилари» фильмидаги тез ёрдам машинасини йиғиш мумкин. Тайёр моделнинг узунлиги 47 сантиметрга тенг. Жамланма яратувчиларининг сўзларига кўра, Cadillac Miller-Meteor’ни йиғиш давомида франшиза мухлислар машина эҳтиёт қисмларидан ҳайратга тушади, шунингдек, фильмга оид бир нечта яширин белгиларга дуч келади.
Ўйинчоқ Cadillac ҳақиқий автомобилнинг худди ўзи. Конструктор яратувчилари машинанинг ранглар гаммасини тўлиқ сақлаб қолган, шунингдек, кузовига кинодагидек «занглаш эффекти»ни қўшган. Бундан ташқари, Lego модели қимирлайдиган руль чамбарагига эга бўлиб, у орқа ўриндиққа қадар сурилади.
Аввалроқ британиялик блогер 3D-принтерда Lego услубида чоп этилган пойга машинасида ҳаракатланган эди. Сентябрь охирларида эса Bentley маркасининг 100 йиллик юбилейи муносабати билан чекланган серияда тақдим этилган Блоwер моделлари ортидан компания ишқибозларидан бири Lego конструктори ёрдамида афсонавий моделнинг нусхасини яратгани тўғрисида хабар берилганди.
Изоҳ (0)