Тошкентдаги камерунлик фуқарони тутқунликда сақлаб, уни турли қийноқларга солган жиноий гуруҳ ушланди. Бу ҳақда «Тошкент» телеканалидаги дастурда маълум қилинди.
Қайд этилишича, Яшнобод туманида Шакуров Рамзес 2019 йилнинг 27 май кунида ўз хонадонида жиноий тўдаси билан биргаликда камерунлик Жан Мариени ўғирлаб кетиб, тўрт кун давомида тутқунликда сақлаган.
Маълум қилинишича, Шукуров Рамзес 1971 йил Тошкент шаҳрида туғилган. Миллати озарбайжон. Ўзбекистон фуқароси. Оилали. Икки нафар фарзанди бор. Муқаддам судланган.
Бундан ташқари, жиноий тўда таркибида Аҳмедов Мирзоҳид, Орипов Абдумажид, Эргашев Равшан, Абдуллаев Отабек сингари 15 кишидан иборат фуқаро бўлиб, уларнинг барчаси турли психотроп моддалар қабул қилган. Афсуски, уларнинг баъзилари педагог, баъзилари спорт устаси бўлган.
Камерунлик Марк ва Уильям исмли фуқаролар 2019 йил бошларида Ўзбекистонга фирибгарлик йўли билан пул топиш учун келишади. Улар ўзбекистонлик Шакуров Рамзес одамларини чув тушириб, 20 минг АҚШ долларини олиб кетган.
Бу ҳол Рамзес ва унинг жиноий тўдасининг ғазабини келтиради. Шундан сўнг улар камерунлик Марк ва Уильямни Ўзбекистонга чақириб, мўмай даромад топишлари мумкинлиги ҳақида айтишади. Лекин камерунлик фирибгарлар Ўзбекистонга ўзлари келмасдан Жан Марие исмли инсонни жўнатади.
Жан Мариени белгиланган тузоққа бошлаб бориш жиноий тўданинг Ҳошимов Фарҳод, Қодиров Аббос исмли аъзоларига юклатилади. Бу фуқаролар камерунлик Жан Мариени шаҳар айлантириш баҳонасида олиб кетади ва Яшнободдаги хонадонга бошлаб келади.
Жан Марие воқеа ҳақида қуйидагиларни маълум қилди
«Ҳовлига кирганимда бу ернинг ҳолатини кўриб қўрқиб кетдим. Кетмоқчи бўлганимда улар мени ичкарига мажбурлаб олиб киришга ҳаракат қилишди. Шунда ичкаридан Темур исмли йигит чиқиб келиб, мени судраб уйга олиб кирди.
Оғзимга латта тиқиб, оёқ-қўлимни боғлаб, музлаткич ёнига ётқизиб қўйишди. Бошимни, жағимни деворга уришди».
Камерунлик Жан Марие тўрт кун давомида тутқунликда, қийноқда сақланган. Бу ҳолни жиноий тўда видеога олиб, Марк ва Уильямга юборишган. Мақсад 60 минг АҚШ доллар ишлаш бўлган. Агар айтилган суммани беришмаса, Жан Мариени ўлдириб юбориш билан таҳдид қилишади.
Тўрт кундан сўнг, Камерундан сўралган пулларни жўнатишга рози эканлиги ҳақида хабар келади. Бу хабардан сўнг жиноий тўда аъзолари Жан Мариени хонадондан олиб чиқиб, Яшнаобод тумани Жарқўрғон кўчасида жойлашган «Геликон» меҳмонхонасига олиб боришади, ювинтириб, кийинтирилади.
Бу вақт ичида Ташқи ишлар вазирлигига Франция элчихонасидан Жан Мариенинг ўғирлаб кетилгани ҳақида хабар келиб тушган. ДХХ томонидан тезкор қидирув ишлари бошланган ва бу жараён якунланмасдан тутқундаги камерунлик фуқаро қочиб кетишга улгурган.
Уларга нисбатан жиноий иш қўзғатилиб, бу жиноий ишга алоқадор бўлган 15 киши қўлга олинган. Уларга нисбатан Жиноят кодексининг 245-моддаси 1-қисми (шахсни гаров сифатида тутқунликка олиш) билан жиноят иши қўзғатилиб, Шакуров Рамзес ва жиноий гуруҳнинг бошқа аъзолари 5 йил муддатга озодликдан маҳрум қилиш жазоси тайинланди.
Мавзуга доир:
Изоҳ (0)