Қишлоқ хўжалиги машиналарининг янги намуналарини яратиш, уларни ишлаб чиқаришга жорий этиш ва соҳани истиқболли ривожлантириш бўйича таниқли олим, Қишлоқ хўжалиги ва озиқ-овқат таъминоти илмий-ишлаб чиқариш маркази академиги, техника фанлари доктори, профессор Абдумуталиб Хожиев 84 ёшида вафот этди, дея хабар бермоқда Қишлоқ хўжалиги вазирлиги.
Унинг механизация соҳасидаги илмий ишланмалари ва патентлари мамлакат қишлоқ хўжалигининг турли тармоқларини ривожлантириш учун катта аҳамиятга эга бўлган.
Олим қишлоқ хўжалигини механизациялаш соҳасининг назарий ва амалий масалаларига бағишланган 400 дан зиёд илмий мақола, китоб ва монографиялар муаллифи.
У 1977 йилда Фан ва техника соҳасидаги Абу Райхон Беруний номли давлат мукофоти совриндори, 1982 йилда «Ўзбекистон Республикасида хизмат кўрсатган фан арбоби» фахрий унвонини олган.
Аввалроқ Исломшунос олим Убайдулла Уватов 80 ёшида, Самарқанд давлат педагогика институти собиқ ректори Ғанижон Икромов ва Ўзбекистонлик таниқли турколог Андрей Кубатин вафот этгани ҳақида хабар берилганди.
Изоҳ (0)