Хотин-қизлар коронавирусдан даволанишдан олдин ишлатган косметика воситаларидан тузалганларидан кейин ҳам фойдаланиши учун муайян шартлар бор. Бу ҳақда Коронавирусга қарши кураш штаби аъзоси Севара Убайдуллаева маълум қилган.
Агар сиз 14 кун давомида бу косметика воситаларидан фойдаланмаган бўлсангиз, шу билан бирга, улар ёпиқ равишда сақланадиган бўлса, бемалол фойдаланишингиз мумкин. Бу савол бизнинг аёлларимиз учун жуда муҳим, чунки косметика воситаларидан улар фойдаланади. Бу касалликдан тўлиқ тузалмай туриб, бошқаларга, яъни оила аъзолари, ота-оналари ва фарзандлари, ҳамкасбларига инфекция тарқатувчиси бўлиб қолишдан қўрқишлари табиий.Маълумот учун, ҳозирда коронавирус асосан ҳаво-томчи йўли орқали юқиши аниқланган бўлса-да, контакт йўли ва хўжалик буюмлари, сатҳлар орқали юқиш йўли ҳам инкор қилинмаган. Бунда ҳавода вируснинг 3 соатгача сақланиши, турли сатҳларда эса 6 соатдан 48 соатгача сақланиши тўғрисида мақолалар мавжуд.Севара Убайдуллаева, Коронавирусга қарши кураш штаби аъзоси
Изоҳ (0)