Microsoft компанияси Xbox услубида яратилган — Xbox Series Х Fridge музлаткичини тақдим этди.
Музлаткичнинг баландлиги 1778 миллиметрни, узунлиги 635 ва эни 762 миллиметрни ташкил этади. Эшигининг юқори бурчагида Xbox логотипи жойлашган бўлиб, фойдаланувчи ҳар сафар музлаткични очганида у консолнинг юкланиш овозини эшитади.
Microsoft маҳсулоти ички томони билан ҳам фарқланади: ранги, музлаткичдан чиқаётган нур оддий қурилмалардаги каби оқ эмас, балки яшил.
Microsoft Xbox Series Х Fridge’дан жами учта яратган. Уларнинг иккитасини компания Snoop Dogg ва блогер iJustine’га совға қилди. Учинчи музлаткич эгаси эса марка мухлислари орасидан танлов асосида танлаб олинади. Қурилма эркин савдоларга чиқмайди.
Мавзуга доир: Видео: Музлаткич орқали ўйналаётган Doom Eternal
Изоҳ (0)