Октябрь ойининг охирларида янги Huawei Mate 40 смартфони тақдим этилгани тўғрисида хабар берилганди. IXBT’нинг ёзишича, Хитойдаги савдо майдончаларида янги қурилма бир неча сония ичида сотиб бўлинган.
Хусусан, JD майдончаси орқали смартфонлар 11 сония ичида сотилган. Аммо саккизинчи сониядаёқ «бухгалтер рекорди» ўрнатилган — бу вақт ичида Mate 40 флагмани 15 миллион долларлик сотилган. Huawei JD’даги партия ҳажмини маълум қилмаган, бироқ ҳисоб-китобларга кўра, 256 гигабайт ички хотирага эга Mate 40 Pro нархи 1045 доллар бўлса, 8 сонияда битта савдо майдончасининг ўзида 14 400 га яқин қурилма сотилган.
Huawei ҳамда «JD.com» ушбу муваффақиятни JD порталининг штаб-кавритаси яқинида дронлар ёрдамида нишонлашга қарор қилган. Турли рангларда товланган дронлар ёрдамида самода смартфон ва унинг камераси тасвири, шунингдек, Kirin 9000 ва Mate 40 Series ёзувлари пайдо қилинган.
Мавзуга доир:Huawei’нинг катта тақдимоти: янги «ақлли» кўзойнак, премиум наушниклар ва бошқа кўплаб гаджетлар
Изоҳ (0)