Туркия ғарбидаги зилзилада ҳалок бўлганлар сони 43 кишига етди, дея хабар бермоқда «РИА Новости», республика фавқулодда ҳолатлар ва табиий офатлар агентлигига таяниб.
«Сўнгги маълумотларга кўра, 43 киши ҳалок бўлган, 896 киши жабрланган… Измирда қутқарувчилар қулаб тушган тўққизта бино вайроналарида иш олиб бормоқда», дейилади хабарда.
Эслатиб ўтамиз, 30 октябрь куни тушдан кейин Туркиянинг ғарбий қисмида 6,6 балли зилзила содир бўлди. Зилзила эпимаркази Эгей денгизида, Измир вилоятининг Сефериҳисар шаҳри яқинида бўлган.
Измирда камида 20 та бино қулаб тушгани хабар қилинди. Зилзила кичик сунамини келтириб чиқарди, оқибатда Сефериҳисарнинг қирғоқ кўчаларини сув босди.
Зилзила кучи Греция оролларида ҳам сезилди. Грек сейсмологлари унинг кучини 6,9 балл деб баҳолади. Зилзила оқибатида Грециянинг Самос оролида икки киши ҳалок бўлди ва 20 киши жароҳат олди. Оролда 6 ойлик фавқулодда ҳолат эълон қилинди.
Аввалроқ зилзилада ҳалок бўлган ёки жароҳат олганлар орасида Ўзбекистон фуқаролари йўқлиги маълум қилинди. Шунингдек, Президент Шавкат Мирзиёев Туркияда юз берган зилзила сабабли Ражаб Тоййиб Эрдўғонга ҳамдардлик билдирди.
Изоҳ (0)