Енгил вазн тоифасида UFC чемпиони Ҳабиб Нурмагомедов Жастин Гэтжини мағлубиятга учратгандан кейин фаолиятини тугатмаганида 30-жанги учун бундан ҳам кўпроқ пул олган бўлишини айтди.
Қайд этиш ўринли, Ҳабиб Гэтжи билан жанг учун олган гонорари 3 миллион долларни ташкил этди.
Кимдир жанг қилишда давом этишимни хоҳлаётган бўлса, бошқаси қароримни қўллаб-қувватлади. Дэйна Уайт (UFC президенти) яна жанг қилишимни истайди, чунки бу даромад келтиради. Агар фаолиятимни якунламаганимда, кейинги жангларим жуда қиммат бўларди. Аммо қарор қилдим ва уни ўзгартирмайман, чунки бу кетиш учун энг яхши вақт деб ўйлайман.Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган UFC 254 асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.Ҳамма ҳам энг юқори чўққидалигида кетолмайди. Бундай нарса деярли йўқ эди. Аммо мен буни эртами-кечми қилишим кераклигини билардим. Ушбу спорт турида энг зўр деб ҳисобланишим учун етарли даражада ишладим.
UFC мени вазн тоифасидан қатъи назар энг яхши жангчилар рейтингида биринчи ўринга қўйди. Миссия бажарилди.
Ҳабиб Нурмагомедов, UFC жангчиси
Мавзуга доир:
- UFC президенти: «Ҳабиб, сен спорт тарихидаги энг буюклардан бирисан»
- Ҳабиб Нурмагомедов фаолиятида илк бор UFC’нинг вазн тоифасидан қатъи назар энг яхши жангчилар рейтингида 1-ўринни эгаллади
- Ҳабиб Нурмагомедов Флойд Мейвезерга қарши жанг қиладими? Унинг амакиси жавоб берди
- «Тез орада яна чўққига қайтамиз». Ҳабиб Нурмагомедовнинг келажакдаги режалари маълум бўлди
Изоҳ (0)