АОКАнинг Андижон вилоятидаги масъули, вилоят ахборот ва оммавий коммуникациялар бошқармаси бошлиғи Абдуғулом Султонов вафот этди. Бу ҳақда «Дарё» мухбири Умиджон Мамарасулов хабар берди.
Таъкидланишича, бошқарма бошлиғи 2020 йил 26 октябрь куни вафот этган. Аммо унинг вафоти сабаби очиқланмаган.
Марҳум Абдуғулом Султонов 1953 йил Андижон туманида туғилган, 1979 йилда Тошкент давлат университетининг журналистика факультетини тамомлаган. Иш фаолиятини Хўжаобод туманининг «Шонли меҳнат» газетасида мусаҳҳиҳ сифатида бошлаган.
У 1974 йилдан 1994 йилга қадар вилоят ҳокимлиги муассислигидаги «Андижоннома» (собиқ «Коммунист») газетаси мусаҳҳиҳи, мухбири, масъул котиб ўринбосари, бўлим мудири, масъул котиби лавозимларида ишлаган.
1994–2002 йилларда вилоят ҳокимлиги матбуот хизмати масалалари бўйича етакчи мутахассиси, ижтимоий масалалар бўйича котибият бош мутахассиси, котибият мудири вазифаларида ишлаган.
2002 йилдан буён Андижон вилоят матбуот ва ахборот бошқармаси бошлиғи, кейинчалик вилоят ахборот ва оммавий коммуникациялар бошқармаси бошлиғи сифатида меҳнат қилиб келган.
Изоҳ (0)