Жастин Гэтжи: Ҳабиб фаолиятини тугатди, энди мен биринчи рақамли жангчиман

Америкалик яккакурашчи Жастин Гэтжи UFC 254 мусобақасида Ҳабиб Нурмагомедовдан учралган мағлубиятдан кейин ўз фикрларини билдирди.

«Мағлубият — бу ҳали якун дегани эмас. Икки бор мағлубиятга учраганман ва ҳозир менга назарга ташланг. Мен шунчаки камар учун курашдим. Дастин Порьега 2018 йилда ютқазганимдан кейин мана шу даражадаги жангда қатнаша олишимга ишонган одамлар кўп эмас. Мен бунга ишондим, чунки мусобақалашишни жуда яхши кўраман. Нега энди йўқ? Ҳабиб фаолиятини якунлаганидан кейин мен биринчи рақамга айландим», — дейди Гэтжи.

Эслатиб ўтамиз, 24 октябрь куни Абу-Дабидаги (БАА) «Жангчилар ороли»да бўлиб ўтган мусобақа асосий жангида Ҳабиб Нурмагомедов ва Жастин Гэтжи ўзаро тўқнаш келди. Унда россиялик спортчи иккинчи раундда рақибига бўғиш усулини қўллаб ғалаба қозонди. Жангдан кейин Ҳабиб фаолиятини якунлашини маълум қилди.

UFC 254 мусобақаси барча жангларини бу ерда томоша қилиш мумкин — видео.